መንግስት የሌለው ህዝብ አገሩ ‹‹መንግስት›› በውጭ ደግሞ ሌሎች ይገድሉታል፣ ያስሩታል፣ ይደበድቡታል……፡፡

ትልቁ የስልጣን ማማ ላይ ቆሞ አገርና የሚመራ (የሚገዛ አይደለም) የፖለቲካ አካል መንግስት ነው፡፡ ለዜጎቹ ጥቅም፣ ለአገር ደህንነትና ሰላም፣ ብልጽግና ሳይሆን ለስልጣኑና ኢኮኖሚያዊ ጥቅም የሚባዝን የፖለቲካ ቡድን ግን በምንም መስፈርት መንግስት ብሎ መጥራት አይቻልም፡፡ ለእኔ ኢህአዴግም እነደዚህ ነው፡፡ መንግስት የሚያሰኘውን መስፈርት መካከል አንድም ነገር አሟልቶ አይቼው አያውቅም፡፡

ዱር ለገደል የሚንከራተቱ አማጺያን፣ ማፍያዎች፣ ርህራሄ የላቸውም የሚባሉ አሸባሪዎች ሳይቀሩ የሚወክሉት ህዝብ በሌሎች አደጋ እንዳይደርስበት ይከላከላሉ፡፡ አደጋ ሲደርስበት ይጠይቃሉ፡፡ ፍትህ እንዲያገኝ ያደርጋሉ፡፡ አሸባሪዎችና ማፍያዎች እንኳን በሌሎች አገራት የደረሰን በደል የሌሎቹን በማገት አሊያም በሌላ መንገድ ምላሽ ይሰጣሉ፡፡ ይህኛው መንገድ ሰላማዊ ባይሆንም ለህዝባቸው ያላቸውን ክብርና ቆራጥነት የሚያሳይ ነው፡፡ ፍልስጤሞች አንድ ፍልስጤማዊ ችግር ሲደርስበት ዓለም አቀፍ ማህበረሰቡን በማንቀሳቀስ፣ አጸፋ በመስጠትና በሌሎች መንገዶች ይታገላሉ፡፡

ኢህአዴግ ሳውዲዎችን እንዲያግት፣ አንዲገድል ወይንም እንዲያስር አይደለም፡፡ ‹‹መንግስት›› የሚለውን የተከበረ ስም ተሸክሞ ግን ‹‹ህገ ወጥ ስለሆኑ ነው የተባረሩት፣ የታሰሩት፣ የተገደሉት›› ማለቱ ተግባሩን ከማፍያዎቹም የወረደ ያደርገዋል፡፡ ጠቅላይ ሚኒስትር፣ የውጭ ጉዳይ፣ ቃለ አቀባይ፣ ፓርቲ፣ ማዕከላዊ ኮሚቴ፣ ደህንነት……….ብሎ የሰየመ የፖለቲካ ቡድን ቢያንስ ቢያንስ ሳውዲዎች በኢትዮጵያውያን ላይ የሚያድርጉትን ጦርነት ማውገዝ ነበረበት፡፡ የሶማሊያ ዜጎች በተለያዩ አገራት ችግር ሲደርስባቸው አሸባሪው አልሻባብ ድምጹን ከፍ አድርጎ ያወገዘበት፣ ያስፈራራበት ጊዜያት በርካቶች ናቸው፡፡

ሁለት ስውዳውያን የአገር ድንበር ጥሰው ስለገቡ በመታሰራቸው አገሪቱ ብቻ ሳትሆን የአውሮፓ ህብረትም ጭምር ጮኸቱን አስምቷል፡፡ ኢህአዴግም አዲስ አበባ ውስጥ ሲጽፉ የታሰሩት ኢትዮጵያውያን ሳይፈቱ የግዱን በሽብርተኞቹ አገር ሶማሊያ በኩል ድንበር ተሸግረው የገቡትን ባለ መንግስት ዜጎች የግዱን ለቋቸዋል፡፡ መንግስት የሌላቸው ኢትዮጵያውያን ደግሞ ፖሊስ እያሳደደ ሲገላቸው ማንም አልቆመላቸውም፡፡ ምንም ጫና ያልተደረገባትና በታሪክ ለኢትዮጵያ ጠላት የሆኑት ሳውዲዎች ደግሞ ጭካኔያቸውን እንደቀጠሉ ናቸው፡፡

ህወሓት/ኢህአዴግ ወደ ስልጣን ሲመጣ ትኩስ ስንቅ ያቀበሉት ሳውዲና ሌሎች አረቦች ናቸውና ኢትዮጵያውያን እየቆሰሉ፣ እየሞቱም ቢሆን ሳውዲዎች በሰላም ዳቧቸውን ኢትዮጵያ ውስጥ ያመርታሉ፡፡ ኢትዮጵያ ውስጥ ይነግዳሉ፡፡ ይኖራሉ፡፡ ይህ ኢህአዴግ ለሳውዲዎች የሚያድገው ውለታው መሆኑ ነው፡፡ ከኢትዮጵያውያን ይልቅ ለገዳዮቹ ርህራሄን ያበዛውም ለዚህ ነው፡፡

የአገርን ብሄራዊ ጥቅም፣ ክብርና የዜጎችን መብት እስከነካ ድረስ የአንድም የ70 ሺህ ህዝብም የቀጠፈ አለመግባባት ጦርነት ነው፡፡ ኢህአዴግ ከሻዕቢያ ጋር በተጣላበት ወቅት የአስመራው ማፍያ ዜጎቻችን ሲያባርር ኢህአዴግም በአጸፋው ‹‹ኢትዮጵያዊ ነን!›› ያሉትን ኤርትራዊያን ጭምር በተመሳሳይ መልኩ አባርሯል፡፡ ያኔ ኤርትራዊያን እንዲባረሩ የፈለገ አልነበረም ባይባልም በርካታ ኢትዮጵያውያን ግን ደስተኛ አልነበሩም፡፡ በሳውዲ እየፈጸመች በምትገኘው ተግባር ግን የኢትዮጵያውያን ልብ ደምቷል፡፡ ኢህአዴግ ግን ምንም አላለም፡፡

ኢህአዴግ የኢትዮጵያውያን መንግስ ቢሆን ኖሩ እርምጃ መውሰድ የነበረበት በሳውዲ ላይ ነበር፡፡ኢህአዴግ መንግስት ቢሆን ኖሮ የሚያስከብረው የህዝብን ጥቅም፣ ክብርና መብት ነበር፡፡ የሚፈጽመው ደግሞ ህዝብ ያለውን መሆን ነበረበት፡፡ መንግስት የሌለው ህዝብ አገሩ ቤተ ‹‹መንግስት›› ውስጥ ያሉት በውጭ ደግሞ ሌሎች ይገድሉታል፣ ያስሩታል፣ ይደበድቡታል……፡፡ የኢትዮጵያ ህዝብ በደል ይህን ያህል ከብዷል፡፡ መንግስት አልባነት ይህን ያህል ያሰቃያል፡፡

የአንድ የኢህአዴግ ባለስልጣንን ልጅ ቴሌ፣ ደህንነት፣ የአየር መንገድ፣ የገንዘብ ሚንስትር፣ የውጭ ጉዳይ ሚንስትር፣ ኤምባሲው….. ብቻ በርካታ ‹‹ተቋማት›› ተንከባክበው ወደ ቻይና ይልኩታል፡፡ ሲመለስ፣ ምግብ፣ ገንዘብ፣ መልጭዕት ሲላክለትም እነዚህ መስሪያ ቤቶች ያሸረግዳሉ፡፡ ባለስልጣኑ፣ ልጁ ዘመዱ፣ ካድሬ፣ የፓርቲ አባል፣ ፓርቲ……ሁሉም ሲሸኙ፣ ሲመለሱ እነዚህ መስሪያ ቤቶች ተመሳሳይ የማሸርገድ ተግባራቸውን ይወጣሉ፡፡

ልክ የአጼው ልጅ የኢትዮጵያ ህዝብ ቁጥሩ ስንት ነው ስትባል ‹‹500 ብንሆን ነው፡፡›› እንዳለችው የኢህአዴግና ተቋማቱ ህዝብ የኢህአዴግ ባለስልጣናት፣ ዘመድ አዝማዶች ሆነዋል፡፡ ኢህአዴግ መንግስት የሆነው ለእነዚህ ጥቂቶች ነው፡፡ ሌላውን ህዝብ ማንም አያስታውሰውም፡፡ የሌሎች አገራት መንግስታት፣ የሰብአዊ መብት ተሟጋቾችና ሌሎች ለቀሪው ህዝብ ቢያዝኑም እንደ መንግስት ሆነው ሊረዱት፣ ሊያድኑት አይችሉም፡፡ ቤተ ‹‹መንግስት›› ውስጥ ያሉትም ቢሆን ይህን አይፈቅዱም፡፡

ኢትዮጵያዊ መንግስት አልባዋ ሶማሊያ ውስጥ ቢታገት፣ ኬንያና ታንዛኒያ ውስጥ ቢታሰር፣ ሳውዲ ውስጥ ቢገደልና ቢሰቃይ፣ ማዕከላዊና ቃሊቱ ውስጥ ቢሰቃይ ፍትህ የሚሰጠው፣ ክብሩን የሚመልስለት ‹‹በህዝብ፣ ለህዝብ፣ የህዝብ›› የሆነ መንግስት የለውም፡፡ አንዱንም አያሟላም፡፡

ሻዕቢያ ዜጎቻችን ከማባረር ጀምሮ ምርኮኞችን በአሰቃቂ ሁኔታ በመግደል እስከፈለገው ድረስ የፈነጨብን ኢህአዴግ የመንግስትነት ክብር እንደሌለው ጠንቅቆ በማወቁ ነው፡፡ ሱዳን፣ ኬንያ፣ ታንዛኒያ በመላው አለም በዜጎቻችን ላይ በደል የሚፈጽሙት ሁሉ ኢህአዴግ ለዜጎቹ ጠላት መሆኑን ስለሚያውቁ፣ መንግስት እንደሌለን ስለገባቸው ነው፡፡ እንዲያውም አብዛኛዎቹ በደሎች የሚፈጠሩት ‹‹መንግስት›› ነኝ የሚለው ኢህአዴግ ‹‹በሏቸው!›› የማለት ያህል መልዕክቶችን ስለሚያስተላልፍ ነው፡፡ እነሱ ደግሞ ባልተወለደ አንጀታቸው ይጨፈጭፏቸዋል፡፡ ያሰቃዩቸዋል፡፡

አገራቸው ውስጥ ሥልጣን ላይ ያለው አካል ያልተከበሩ ዜጎች በውጭ አገር በደል ቢደርስባቸው አይገርምም፡፡ እንዲያውም ኢትዮጵያውያን የአገራቸው ገዥ ከሚያደርስባቸው ይልቅ የሌሎቹን በደል የተሻለ ነው ብለው መጉረፋቸውን ቀጥለዋል፡፡ እንደ ኢህአዴግ ቢሆንማ እንደ ቀድሞዎቹ እስራኤላዊያን ተበትነን አልቀን ነበር፡፡

መንግስት የሌለው ህዝብ ዋናው ተግባር የመንግስት ምስረታ ነው፡፡ እስከዚያ ግን በተደራጀ መልኩ ከውጭም ቢሆን የሚደርስበትን በደል መመከት የግድ ይለዋል፡፡ አይደለም ሰላማዊ ትግል የሚያደርግ ህዝብ ማፍያዎችና አሸባሪዎች እንኳን ለዜጎቻቸው ይጨነቃሉ፡፡ እናም ሳውዲ እየፈጸመችው የምትገኘውን በደል ለኢህአዴግ ከማመልከት ይልቅ ህዝብ የአገርና የዜጎችን መብት የሚያስጠብቅ የራሱን እርምጃም መውሰድ ይኖርበታል፡፡ ዜጎቻችን በሳውዲ ጎዳናዎች እየተገደሉ ነው፡፡ ሌላው ቢቀር አገራችን ውስጥ ወደሚገኘው የሳውዲ ኤምባሲ አቅንተን የፈጸሙት ተግባር አስጸያፊና ህገወጥ መሆኑን መንገርኮ አንድ ነገር ነው፡፡

Getachew Shiferaw  freedom4ethiopian

መርዘኛ የጋዝ ጦር መሣሪያዎች

መርዘኛ የጋዝ ጦር መሣሪያዎች

ሰዎች ካለፈ እጅግ መጥፎ ድርጊት ፣ እስከምን ድረስ ትምህርት ይቀስማሉ? በተለያዩ ዘመናት ያጋጠሙ ሁኔታዎችን ፤ ጦርነቶችን ፤ ወረራዎችን ፤ ውዝግቦችን ስንመረምር ፣ ሰው፤ ጭካኔ የሚያሳይባቸው መሣሪያዎች በሥነ ቴክኑኒክ ተሻሽለው ተሠርተው ከመቅረባቸው

በስተቀር፤ እርሱ ራሱ የባህርይ ለውጥ ያሳየበት ሁኔታ የለም። በቅዱሱ መጽሐፍ እንደተገለጠው ፤ ቃየል ብቸኛ ታናሽ ወንድሙን፤ አቤልን በድንጋይ ቀጥቅጦ ነው የገደለው። የዛሬው ዘመን ሰው «ወንድሙ» ን ፣ በአብራሪ- የለሽ አኤሮፕላን፣ ወይም በሚሳይል ወይም በመርዘኛ ጋዝ ማጥፋት ይችላል።
ዓለም አቀፍ መገናኛ ብዙኀን፤ ሰሞኑን በተደጋጋሚ ካነሱአቸው ጉዳዮች አንዱ በሶሪያ ፣ ረቡዕ ፤ ነሐሴ 15 ቀን 2005 ዓ ም፤ በደማስቆ መዳረሻ፣ በተተኮሰ መርዘኛ ጋዝ ፤ ቁጥራቸው በ 500 እና 1,300 መካከል የሚገመት ሰዎች ልጆችና ጎልማሶች የሞቱበት ሌሎች በዛ ያሉም የቆሰሉበትን ሁኔታ ነው።
ማን ይህን ፈጸመው ? ማን ነው ኀላፊው የሚለው ጥያቄ ቢያከራክርም ፤ ማንም ይፈጽመው ድርጊቱ ፤ ፍጹም ዘግናኝና የጭካኔ ሥራ መሆኑ አያጠያይቅም። በደለኛውን አጣርቶ የማወቁ ጉዳይ ለጊዜው ያስቸገረ ይምሰል እንጂ፣ ያጠፋው ተገቢ ቅጣት ማግኘት አይገባውም ብሎ የሚከራከር ይኖራል ብሎ ማሰብ ያስቸግራል።

እንደ ፀረ ተባይ መድኃኒት በቀላሉ የሚቀመሙ፤ ሆኖም ለሰው ጤንነትም ሆነ ሕልውና እጅግ ጠንቀኞች የሆኑ ጋዞች አሉ ። ጥቂቶችን እንጥቀስ፤ እነርሱም፤ የሚሠነፍግ፣ የሰናፍጭ መሰል ሽታ ያለው መርዘኛ ጋዝ(Mustard Gas)፣ Tabun, Sarin ,እና VX የተሰኙት የጋዞች የቅመማ ጦር መሣሪያዎች ናቸው።
በመጀመሪያ በዋነኛነት ከድኝ የሚቀመመውን የሰናፍጭ ዓይነት ወይም የነጭ ሽንኩርት ዓይነት ሽታ ያለውን ጋዝ እንመልከት።
«ሰልፈር ማስተርድ» ወይም «ማስተርድ ጋዝ»---የተጣራው ቀለም የለውም፤ ሆኖም ፤ ለጥፋት በጦር መሳሪያነት የሚቀመመው ወደ ቢጫ የሚያደላ ቡናማ ቀለም ነው ያለው።
የሥነ -ቅመማ ስሙ C4H8Cl2S ነው። ይህም ማለት ካርበን 4 ፣ ሃይድሮጂን 8፣ ክሎሪን 2 እና አንድ እጅ ድኝ ያለው የቅመማ ውጤት መሆኑ ነው። ይህን እጅግ አደገኛ የጋዝ ጦር መሣሪያ እ ጎ አ በ 1916 ፤ አንደኛው የዓለም ጦርነት ይካሄድ በነበረበት ወቅት ለመጀመሪያ ጊዜ በቤተ ሙከራ ቀምመው የጀርመንን ንጉሣዊ መንግሥት ጦር ሠራዊት ያስታጠቁት፣ ቪልሄልም ሎመል እና ቪልሄልም ሽታይንኮፍ የተባሉት ሳይንቲስቶች ናቸው። እናም ይህ እጅግ አደገኛ ፤ ጠንቀኛ የቅመማ ጦር መሣሪያ በዓመቱ፤ ማለትን በ 1917 ፣ ኢፕረስ፤ ቤልጅግ ላይ በብሪታንያና በካናዳውያን ወታደሮች ላይ ተረጭቶ ዘግናኝ ዕልቂትና የመቆስል አደጋ አድርሷል። ብሪታንያም በ 1918 ራሷ በቀመመችው መርዘኛ ጋዝ በጀርመናውያኑ ወታደሮች ላይ መበቀሏ አልቀረም።
በጀኔቩ ዓለም አቀፍ ስምምነት ፣ የመርዘኛ ቅመማ ጦር መሣሪያዎች ማምረትን (መቀመምን)፤ ማከማቸትንና መሸጥንም የሚገታ ዓለም አቀፍ ስምምነት ይኑር እንጂ፣ የተለያዩ መንግሥታት በተለያዩ አገሮች ፣ በተለይ መከላከልም መበቀልም በማይችለው ሲቭል ህዝብ ላይ ጥቃት ፈጽመዋል። ለምሳሌ ያህል፤

ብሪታንያ፤ እ ጎ አ በ 1919 በሶቭየት ቀይ ጦር ሠራዊት ላይ ፣
እስፓኝና ፈረንሳይ፤ ሞሮኮ ውስጥ በተቃውሞ በተንቀሳቀሱ ወገኖች ላይ፤
ኢጣልያ፤ ከ 1928 እስከ 1932 በኢትዮጵያ ላይ መርዘኛውን ጋዝ በመነስነስ አያሌ ህዝብ ፈጅታለች።
ኢራቅ እ ጎ አ ከ 1983 እስከ 1988 በኢራንና በራሷ የኩርድ ብሔር ተወላጆች ላይ በመርዘኛ ጋዝ ጭፍጨፋ ማካሄዷ የሚታወስ ነው።
የሰናፍጭ ዓይነት ሠፍናጊ ሽታ ያለው የድኝ ጋዝ፤ የሰውነት ቆዳ መርዝ ነው። በ 3 ደቂቃ ውስጥ፤ ጋዙ ልብስ ሳያግደው የሰውነትን ቆዳ ቀስ እያለ ክፉኛ ይጎዳል። ምልክቶቹ፤ በቀጥታ ሳይሆን አንዳንዴ ከ 24 ሰዓት በኋላ ነው የሚታወቁት። መርዙ የነካው ገላ ይቀላል ። የፈላ ውሃ እንዳገኘው ቆዳ ይነፋፋል ፤ ውሃ ይቋጥራል። ከዚያም ቆዳው ይሸለቀቃል። ጋዙ ሲተነፈስ ወደ ጉሮሮ ከገባ ለህይወት አሥጊ ነው። ሳንባን ይበጣጥሳል።
ሳሪን፤ እ ጎ አ በ 1938 ለመጀመሪያ ጊዜ ጌርሃርት ሽራደር በተባሉት ጀርመናዊ የሥነ-ቅመማ ሊቅ ፀረ ተባይ መድኀኒት ይሆን ዘንድ ተዘጋጀ። ይሁን እንጂ እንደ ታቡንና VX ለነርቭ ጠንቅ የሆነ አደገኛ ጋዝ ሆኖ ተገኘ። ሳሪን ፈሳሽነት ያለው ፤ ሽታ ግን የሌለው የቅመማ ውጤት ነው።

የእስትንፋስ አካልን ፤ በልዩ ጭንብል ፣ ሠራ አካላትን በልዩ ቱታ ፣ ግማሽ ሰዓት ያህል ብቻ መከላከል ይቻላል። ሳሪን፤ በመተንፈስ ብቻ ሳይሆን፤ በዓይንና በሰውነት ቆዳም በኩል ገብቶ ነው ብርቱ ጉዳት ነው የሚያደርሰው። ያለማቋረጥ ያሳክካል። የማይቋረጥ ንፍጥ ፤ ዕንባ ፣ የጡንቻ መኮራመትም ያስከትላል ፤ የአየር እጥረት አስከትሎም ለሞት ይዳርጋል። ታቡንም ልክ እንደ ሳሪን ዓይነት ጠባይ ያለው ሲሆን እርሱንም ጌርሃርትሽራደር ናቸው መጀመሪያ የቀመሙት።
VX ን አንድ የብሪታንያ የሥነ ቅመማ ባለሙያ ናቸው የቀመሙት። መርዘኛነቱም ልክ እንደ ታቡንና ሳሪን ኃይለኛ ነው።
ሥነቅመማ፤ለመድኃኒትነትየሚውሉብዙግኝቶችንቢያቀርብም፣በአንጻሩለጥፋትየሚውሉትንምማዘጋጀቷአልቀረም።መርዘኛየጦርመሣሪያእንዲወገድአጥብቀውከሚሹትመካከል፤በታሪካቸውየዚህእኩይቅመማሰለባዎችየሆኑትኢትዮጵያውያንናቸው።በቅድሚያ፣ባለፈውሰሞን በሶሪያስለተፈጸመዘግናኝድርጊት ምንእንደተሰማቸው፣ ዓለም አቀፍ ኅብረት ለፍትኅ፤ የኢትዮጵያ ጉዳይ በመባል የታወቀውን ድርጅት ዋና ሥራ አስኪያጅ አቶ ኪዳኔ ዓለማየሁን ጠይቄአቸው ነበር።
ተክሌ የኋላ
ሸዋዬ ለገሰ
dw.de

በአማርኛ የተተረጎሙ የሶፍትዌር ወይም አጠቃላይ የኮምፒውተር አጠቃቀም ቪዲዮ ትምህርቶችን

የእውነት ቲም አዘጋጅቷል ከፈለጉ ይጠይቁን የተለመደውን አድራሻ ይጠቀሙ!!

Ethio3@live.com

በቅርብ ቀን የስልክ አድራሻ እናስቀምጣለን

Ewunet team!