ዘመቻ ዲያስፓራ!.-የጐንቻው!

አቦይ ምን ገዷቸው እሚግደረደሩ፤
በሰላማዊ ሰልፍ አገር ያማረሩ፤
በክረምት ተቃውሞ ዜግነት ቀየሩ፤
በአሜሪካን ምድር በቅንጦት ሊጦሩ፤
በመስከረም አጥቢያ ባህር ተሻገሩ፤
በአገር በቀል ሰላይ ባንዳ እየተመሩ፤
ፊታውራሪ ስብሃት ዲያስፓራን ወረሩ።
ዘር ከልጓም ስበው እየተጠራሩ፤
ጸጋዬ በርሄ፤ቴውድሮስ አድሃኖም፤ኢሳያስ ባህሩ፤
‘አይሲሲ’ን አፍረሰው ደሳለኝ ሊበሩ፤
የመለስ ወራሾች በራዕይ ያደሩ፤
ልማታዊ ስደት ሰሞኑን መከሩ፤
ዲያስፓራን ‘ጠርዘው’ ምርኮ ወደ ሃገሩ፤
የደደቢት ሽፍቶች በዲሲ ሊሰፍሩ፤
እኛን ሲዖል ጥለው በገነት ሊኖሩ።
ወገን ተጠራርተው በወኔ ፎከሩ፤
ለጨበጣ ውጊያ ስንቅም ባይቋጥሩ፤
በዲሲ - ሜሪላንድ፤ በቨርጅኒያ ጦሩ፤
ሃያት ሲከበቡ ‘ስታርባክስ’ አደሩ፤
በጥፋታቸው ሱስ አገር ሲያሸብሩ፤
አቦይ ስብሃት ብርክ አቀረቀሩ፤
በዓለም አደባባይ በቁም ተደፈሩ፤
ቅምጥ ተጨርሰው ሊሸኙ እንደ እድሩ።
ጀግናው ጋዜጠኛ ፃዲቅ ሞገታቻው፤
አንገት አስደፍቶ አርበተበታቸው፤
በገለጡት ገጽ ላይ አፍጦ አበሳቸው፤
የያዙት ጋዜጣ እያንጸባረቀ አፈጠጠባቸው፤
ፀሃፊውን አስረው ማንበብ ቀፈፋቸው፤
ሳልና ውጋቱ አጣድፎ አስነሳቸው።
ደግሞም በማግስቱ ጨበጣ ተያዙ፤
በባንዳ ታጅበው አድፍጠው ሲጓዙ፤
ድንገት ያገኛቸው የነፃነት ታጋይ፤
ሞገታቸው በቁም መስፍን በአደባባይ፤
የአገሩን ደመኛ የወገኑን ገዳይ፤
ፊልም እየቀረጸ ነግ ለዓለም እንዲታይ።
በአንክሮ ሲጠይቅ እዳ አበሳቸውን፤
አክ ብሎ ተፉብን ምራቁን፤ ለሃጩን፤
ቅልብ ጡንቻው ቡጢም አያሳረፈብን፤
አስር ሺህ ማይል ርቀን እዚህም ተሰደን፤
ወያኔው ስብሃት ከቶ አስዘመተብን፤
አዋርዶ፤ አወራርዶ ሰውም አላረገን፤
እስኪ ካሁን ወዲያ ትዕግስታችን ይብቃን፤
ምላሽ እንደግስ ሕግ አገር ይፍረደን፤
እጃችን ይቅመሱ! ፈትፍተን፤ ጠቅልለን፤
እንቁላል፤ ሚጥሚጣ ሁሉንም መጥነን፤
የወገን ፋኖዎች እንግዳ ተቀባይ እንግዳ ሸኝም ሁን።
ማስታወሻ፡
ሰሞኑንና ለወደፊትም ማፊያውንና አገር አፍራሹን፤ ሕዝብ ጨራሹን የወያኔውን ቡድን በድፍረት ለሚያሳደዱና ለሚጋፈጡ አገር ወዳድ ኢትዮጵያዊያን ምስጋናና ሙገሳም ትሁንልኝ። የጐንቻው!
yegonchaw@yahoo.co.uk 13.10.13

zehabesha