በአሰቃቂ ሁኔታ አስገድዶ ለመድፈር ሕይወት ያጠፋው ተያዘ

በማስረሻ መሀመድ

ፖሊስና ርምጃው 

በአሰቃቂ ሁኔታ በመደብደብ እና በተለያዩ አካላቶቿ ላይ ከፍተኛ ጉዳት በማድረስ አስገድዶ ከደፈረ በኋላ ግድያ ፈፅሟል የተባለው ተከሳሽ በፖሊስ ቁጥጥር ስር ዋለ፡፡

ተከሣሹ በአቃቤ ህግ ሦስት ክሶች የተመሠረተበት ሲሆን የመጀመሪያው ክስ እንደሚያመለክተው በ1996ዓ.ም የወጣውን የኢ.ፌ.ዲ.ሪ ወንጀል ህግ አንቀፅ 539/1/ ሀሥር የተመለከተውን በመተላለፍ ተከሣሽ ሰው ለመግደል በማሰብ ጨካኝና ነው ረኛነቱን በሚያሣይ ሁኔታ ጥር 12 ቀን 2004 ዓ.ም ከምሽቱ 4 ሰዓት በአዲስ አበባ በቦሌ ክፍለ ከተማ ወረዳ 5 ልዩ ቦታው የቀድሞ 24 ተብሎ በሚጠራው አካባቢ ሟች ብዙነሽ ተመስገንን ግንባሯን በድንጋይ፣ አፍንጫዋን በቦክስ ደጋግሞ በመምታትና አፏን በማፈን ደፍሮ፣ ጥሏት የሄደ በመሆኑ በፈፀመው ከባድ ሰው መግደል ወንጀል ተከሷል፡፡ ሁለተኛው ክስም እንደሚያመለክተው ወንጀል ህግ አንቀፅ 620/31 ስር ተመለከተውን በመተላለፉ ተከሣሽ በሃይል ድርጊት በመጠቀም ከላይ በተጠቀሰው ቀን ቦታ እና ሰዓት ሟችን ከደበደባት በኋላ እንዳትጮህ አፏን በማፈን መሬት ላይ ጥሎ የግብረሥጋ ግንኙነት በመፈፀም ህይወቷ እንዲያልፍ በማድረጉ  በፈፀመው የአስገድዶ መድፈር ወንጀል ተከሷል፡፡ ሦስተኛው ክስም ተከሣሹ የወንጀል ህጉን አንቀፅ 669/3/ለ ሥር የተመለከተውን በመተላለፍ የሟች ንብረት የሆነውን አንድ ኖክያ ሞባይል ከነመስመሩ፣ ግምቱ 6 መቶ  የሆነ እና 30 ብር የወሰደ ለመሆኑ በፈፀመውየስርቆት ወንጀል ተከሷል፡፡ ተከሣሽ ሟችን ቤተክርሲቲያን ጥምቀትን  ስታከብር በማግኘት ከተዋወቃት በኋላ አብረን  እንደር በሚል ሰበብ የማታውቀው ቦታ  በመውሠድ ወንጀሉን እንደፈፀመ ታውቋል፡፡ ክሱን የፌደራሉ ከፍተኛ ፍርድ ቤት 3ኛ  የወንጀል ችሎት እየተከታተለው ይገኛል::

 ምንጭ https://freedom4ethiopian.wordpress.com/2013/08/26/433/