በጎርፍ የተወሰዱት እናት አስከሬን አልተገኘም ዘንድሮ ብቻ 41 ሰዎች በጎርፍ ተወስደው ሞተዋል flash flooding killed 41 people died in Addis Ababa in this year alone
Written by ሰላም ገረመው, AddisAdmassNews.com ዘንድሮ ብቻ 41 ሰዎች በጎርፍ ተወስደው ሞተዋል በልደታ
ቤተክርስቲያን አካባቢ በሚገኝ ወንዝ ውስጥ ገብተው በጐርፍ የተወሰዱት ሴት አስከሬን እስካሁን አልተገኘም፡፡
የልደታ ቤ/ክ አካባቢ ነዋሪ የሆኑት የ69 ዓመቷ አዛውንት ፀዳለ አለባቸው፤ ልደታ ቤተክርስቲያን ቆይተው ሲመለሱ
የጫማቸውን ጭቃ ለማጠብ ወደ ወንዙ ሲጠጉ የረገጡት መሬት ተደርምሶ ወንዝ ውስጥ በመግባታቸው ደራሽ ጐርፉ ይዟቸው
እንደሄደ የአይን እማኞች ተናግረዋል፡፡በጉዳዩ ዙሪያ ያነጋገርናቸው የእሳትና ድንገተኛ አደጋ የህዝብ ግንኙነት ባለሙያ አቶ ንጋቱ ማሞ በበኩላቸው፤ የወ/ሮ ፀዳለ አስከሬን ሊገኝ ያልቻለው ቤተሰብ በዕለቱ ባለማመልከቱ መሆኑን ገልፀው፣ ብዙ ጊዜ በጎርፍ የሚወሰዱ ሰዎች አስክሬን በሌላ አካባቢ ጎርፉ ሲተፋቸው እንደሚገኝና የወ/ሮ ፀዳለን አስክሬንም ለማግኘት ወንዙ የሚሄድበትን አቅጣጫ እየተከተሉ ፍለጋቸውን እያከናወኑ መሆኑን ገልፀዋል፡፡ አንዳንድ ጊዜ ጎርፉ ራቅ ያለ አካባቢ ወስዶ ከጣላቸው በኋላ ቶሎ መገኘት ካልቻሉ አስከሬኑ በአውሬ የመበላት እድል እንደሚገጥመው ገልፀው፤ አብዛኛውን ጊዜ ግን የሚጠፋ አስክሬን እንደማይኖር ተናግረዋል፡፡ ዘንድሮ በጎርፍ አደጋ ህይወታቸውን ያጡ ሰዎች 41መሆናቸውን የገለፁት ባለሙያው፤ ባለፈው ዓመት 34 ሰዎች በጐርፍ ተወስደው መሞታቸውን ተናግረዋል፡፡
sodere..
No comments:
Post a Comment