ወላዲተ አምላክ ድንግል እመብርሃን

ወላዲተ አምላክ ድንግል እመብርሃን

የሊባኖስ ዝግባ የሳባውያን ፅድ፣

የሰሎሞን ጥበብ የቤተመቅደሱ አምድ፣

የማኑሄ ልጅ ኃይል የፀጉሩ ጎንጉን፣

የኤልሳዕ ማሰሮ የኤልያስ ሰበን፣

የዳንኤል ሕልሙ የኢሳያስ ትንቢት፣

የመስቀል ስጦታ የዮሐንስ እናት፣

የያቆብ መሰላል የሕይወት አሳንሳር፣

የመላዕክት ንግስት የሰው ልጆች ክብር፣

የወልድ ማህደር የአብ ጥበብ ውጤት፣

ንጺሕተ ንፁሀን የመንፈስ ቅዱስ ቤት፣

የአርያም እህት የስላሴ ዙፈን፣

ትርሲተ መለኮት የኪሩቤል ዘባን፣

ከገነት ለወጣው የአዳም ቃል ኪዳን፣

የተወገደባት የጨለማው ዘመን፣

ወላዲተ አምላክ ድንግል እመብርሃን፡፡

የታላቋ ቀን ልጅ ነሀሴ 19 2005